صاااح مظلوم الهوى ، يااامحكمـه

[ضيف الله الحرش]

بسم الله الرحمن الرحيم

السلام عليكم ورحمة الله وبركاتة

هذه القصيدة من أروع ماقرأت من القصايد الغزلية

وهي لشاعر الكبير / فيصل الرياحي

_____________________________________


ياغرامـي سافـرت كـل الحـروف
إعذرينـي معـتـرف ، يامسلـمـه
أعترف بالبخل في حـق الضيـوف!
غيـر قلبـي وش تبـيـن أقـدمـه
مرني من عطـرك العابـر طيـوف
تنشـر آيـات الرضـى والمرحمـه
أنتي عن كل الخلايـق فيـك نـوف
نـادرٍ جنسـك عسانـي ماعـدمـه
حارني وصفـك وطولـت الوقـوف
فكرتـي خرسـا وشعـري تمتمـه
أنتي مايحتـاج وصفـك بالوصـوف
أنتـي ديــوانٍ بــدون مقـدمـه
من يشوفك في نقابك ، وش يشوف ؟
شمـس صبـحٍ بالسحـاب ملثمـه!
لنتشر ليل الشعـر فـوق الكتـوف
صاااح مظلوم الهوى ، يااامحكمـه!
فـي عيونـك دار فكـر الفيلسـوف
كنه يقـرا فـي عيونـك iiملحمـه
كن بين أهدابهـا مصنـع سيـوف!
تحتهـا كـل القـلـوب محطـمـه
مالنا فـي عالـم الحـب معـروف
نعتبـر منـك التواضـع ، مكرمـه
مابقى لهل الهـوى قلـبٍ عطـوف
غيـر قانـون العصـور المظلمـه
ماحدٍ فـي حالـة العاشـق يـروف
والظـروف تعاكـسـه ماتخـدمـه
وينكم ياهل الهوى ، صفوا صفـوف
شكـلـوا للعاشقـيـن منـظـمـه
الهواوي بيـن ظلـم وبيـن خـوف
صابـرٍ عبـر السنيـن المعتـمـه
كم سنه مرت ، وكم مـرت ظـروف
بين عصر أدم وعصـر العولمـه

[طلال الكرناف]

صح لسااااانك وصح لسان شاعرها

[النـايــــــف]

مشكوره اخوي ضيف الله

على هذا الاختيار

وصح لسان الشاعر فيصل الرياحي

تحياتي لك ،،،،

[ضيف الله الحرش]

طلال الكرناف

يعطيك الف عافية

على مرورك على المشاركة

[بنت الهواجر]

يعطيك العافيه اخوي ضيف الله على النقل الجميل للقصيده الرائعه

تحياتي لك..

[ضيف الله الحرش]

النايف

تشكر على مرورك

على المشاركة

وكلماتك وعباراتك

الحلوة