المهاه العنيده

[راكان العتيبي]

من زين شعري قالت البنت لي عيد=وطبعا فرحت وقلت والله لعيده
البيت الاول كان من غير تحديد=وصفت به خصره ووصفت جيده
ووصفت سلسال كسى الصدر والجيد=صدر(ن)يحلف ان الجواهر زهيده
واقسمت باللي يبدا الخلق ويعيد=ان الذهب والماس لا مايزيده
وحدثني التاريخ عن خلق(ن)بعيد=وقريت في التاريخ جمله مفيده
ان البني فيهم يجي سييد وسيد=وحبيبتي تاج السياده تسيده
اليا حكت تسكت نجاح المساعيد=وتنسى من الموضوع وشهو تريده
وان فكرت صفق لها الناس تاييد=علم وثقافه ثم نظره بعيده
وان علمت ماعاد في العلم ترديد= الكمبيوتر من يديها تفيده
واليا حضرت فز احترام اجمل الغيد= ومرت تبختر في خطاها وحيده
مثل القمر وسط السماء نور البيد=يفرق ولو حوله نجوم(ن)عديده
شيخة بنات شيوخ من نسل اجاويد=ويلقبوها بالمهاه العنيده
حب(ن) ملكني دون سابق مواعيد=يجري معي مجرى الدماء في وريده
وان قلت فيها شعر ماظني ازيد=شعري عجبها وان عجبها بعيده
راكان

[إبن ثعلي]

صح السانك ياراكان قصيدة جميله جدا
تحياتي

[حسام هوازن]

صح لسانك ولاهنت يراكان على القصيدة

[رافع الراس]

وحدثني التاريخ عن خلق(ن)بعيـدوقريت في التاريـخ جملـه مفيـده
صحيح الحب ماله مسافه وتحديد
لاصار بين المحبين فرحه جديده
راكان
تسلم يمينك

[ابن مسلم]

صح لسانك ياراكان والله يعينك على الحب وغرابيله

[النـايــــــف]

مشكوره اخوي راكان العتيبي

على هذا الاختيار

وصح لسان شاعرها

تحياتي لك ،،،،