بعد سجلنا يقرب الطوفان قرم الرجال

[المشعلاني]

مساكم الله بالخير بعد سجلنا في منتداكم نبا قرم الرجال



يا سلام الله سلامن مثل طعم الزعفرانه=للرجال الي على الموعد يسدون اللزومي

كل رجالن يحدد خطوته في وسط خانه=والمعاني مالها الا واحدن يعرف يعومي

[الطوفان]

الله يمسيك بالخير واستلم


ياهلا يامرحبا والبيت ثابت في مكانه= بعد ماشفنا الصقورٍاللي على الديره تحومي

قولي يالمشعلاني بالامانه ثم امانه= انت وش معناك عجل به عسى عزك يدومي

[المشعلاني]

البقاا سلمه ابو عبدالرحمن




والبقاا يالشاعر الي من كبيرين الحصانه=شد حيلك فسر الاحلام والدعوى حلومي

البعير اشعيل حول حملته ورخى بطانه=والسبب كل السبب من شايبن رث الهدومي

[الطوفان]

والله اني غير افسر حلمكم كيد ولعانه= كل ما فسرت حلمك تنجلي عنك الهمومي

كل شيٍ ينتهي عصره ليا قفا زمانه= وش نبا بالشايب اللي لايطيح ولايقومي

[فواز الشيباني]

الله الله

صح السانك يالمشعلا ني

وصح السان الطوفان

طاروق رائع

الله يعطيكم العافيه

[المشعلاني]

الله الله

صح السانك يالمشعلا ني

وصح السان الطوفان

طاروق رائع

الله يعطيكم العافيه



صح بدنك يافواز الشيباني لاهنت

ابي منك توقيع كاايف يابن مشيب ممكن؟؟

[المشعلاني]

انت ذيبن تعرف الصيده ولكن بالذهانه=بارك الله فيك يالشاعر عسى قلبك عزومي

شايبن ورد حباله في نهارن زاد شانه=والعرب شنت على داره قويات السهومي

[الطوفان]

فواز الشيباني
حييييييت يسعدنا دائما حضورك
تحياتي

[شاعر روق]

يامرحبا بالمشعلاني وما جاب
وصح لسانك ولسان ابو عبد الرحمن
ومتابعين حتى الرمق الاخير
واصلوااااااااااااااا
معكم

[الطوفان]

انت مثلي ذيب مير الذيب مايكل اخوانه= صيد ياذيب الخلا مانته من الرزق محرومي

يرحم الله شايب ماسلموه اخر ضمانه= والبلد ماهي بفلته فيه حاكم ومحكومي

[الطوفان]

ارررررررحب

يابوسعود والله ياابن العم ماشاء الله لك شعبيه عريضه
قامت الوفود تتابع عيني عليك بارده
تحياتي

[المشعلاني]

يامرحبا بالمشعلاني وما جاب
وصح لسانك ولسان ابو عبد الرحمن
ومتابعين حتى الرمق الاخير
واصلوااااااااااااااا
معكم



اارحب اررحب ابو سعود كحيلان
صح بدنك وياهلا ومرحبا السااعه المبااركه اللي شفناك فيها

تحيااتي لك ياكحيلان

[شاعر روق]

الله يسلمك يابو عبد الرحمن
وماترى من شعبيه انما بفضل الله ثم بفضل القائمين على هذا الصرح
من مشرفين واعضاء يقدرون الشعراء ويعرفون حقوقهم
وابشرك ان العنصريه لاتعرف في هذا المنتدى بالذات وانما يسود الاخاء والمحبه
بين الاعضاء والمشرفين بسبب اعطاء كل ذي حق حقه

تقديري لك ولهذه الاشاده

[شاعر روق]

تسلم وتحيا وتدوم يامشعلاني
ووجودك مكسب بيننا لاعدمناك ياغالي

[المشعلاني]

اعرف اني في زماني غير عنتر فزمانه=وانت مانت بلاش واعرف الملكع من خصومي

من نظر في بير زمزم شرط يلقاها ملانه=ومن نظر في بير فوت يقول هذا اليوم يومي

[المشعلاني]

تسلم وتحيا وتدوم يامشعلاني
ووجودك مكسب بيننا لاعدمناك ياغالي



يابو سعود ماشاركت فالمنتدى الا يوم دريت انك انت وابو عبدالرحمن
موجودين فيه ومحركينه
تحيااتي لكم ولاداره المنتدى واعضااءه وكل من يبذل مجهود وافر لخدمه المنتدى

فواز الشيبااني لاتنسى توقيعي ابيه منك ولا من الدلبحي ولا الحر الاشقر

ترحيب بضيفكم الجديد اهدووه توقيع:)

[الطوفان]

في زمن عنتر تلاقي كلٍ مخضب سنانه= وانت في كبد السماء مثل القمر بين النجومي

يوم زمزم عزها الله عزها عن كل شانه= مار فوت ان كان عندك علمها عطنا العلومي

[شاعر روق]

فواز الشيباني
عجل بالتوقيع على مشعلاني
وحط فيه صورة بعير ضيفه لمشعلاني تراه يستاهل
ههههههههههه
بس لاتنساني انا وابو عبد الرحمن من العزيمه:d

[المشعلاني]

الفصيح اللي تفيصح ما ذبحه الا بيانه=والمطوع قال من خلى صلاته لا يصــومي
بير زمزم من وردها يبشر ابصلحة كيانه=ونت ماتجهل كلامي والبروق اللي تزومي

[المشعلاني]

فواز الشيباني
عجل بالتوقيع على مشعلاني
وحط فيه صورة بعير ضيفه لمشعلاني تراه يستاهل
ههههههههههه
بس لاتنساني انا وابو عبد الرحمن من العزيمه:d



سمعت يافواز ها عجل علانا بالتوقيع الكايف واكت اسمي فيه
لاتفشلني مع ابو سعود

انت كريم وحنا نستااهل

[الطوفان]

الفصيح يقول ثم يقول مايكذب لسانه= رحمة الله واسعه والله غفارا رحومي

والبروق تلوح والخيرات مقبلتنٍ وزانه= والعرب تخطي ولاش احدٍ عن الذنب معصومي

[المشعلاني]

يوم يعجبني من اطبوع الرجال اهل الرزانه=المومــن والمهذب والمودب والكتومـــي
صاحبي يصحابنا شاعر ويعرف للرطانه=والرطانه من عرفها صار مقصد للقرومي

[الطوفان]

الرزانه طبعي وطبعك ولا فينا جبانه= وانت شاعر مانت هين نعم مع عشرة نعومي
المثل قايل لسان الرجل يالروقي حصانه= والرطانه خلها للي معه رخصه عمومي

[المشعلاني]

صاحبي ياصحابنا شاعر ويقرا في قرانه=ماتجاوز للصحيح ولا تعدى للسلومي
شاعرن غاص البحور وجاب دره جاب دانه=يالله انك لاتهينه لايلوم ولا نلومي

[الطوفان]

هههههههههههههههههه
اخي المشعلاني تشرفت باللعب معك متمنينا لك التوفيق
وتصبح على خير

[المشعلاني]

هههههههههههههههههه
اخي المشعلاني تشرفت باللعب معك متمنينا لك التوفيق
وتصبح على خير



ابو عبدالرحمن انا تلميذك وانت استاذي لي الشرف انا اني العب معك
والله يوفق الجميع للخير وتصبح على نور ورضا وعافيه

[فواز الشيباني]

اخي المشعلاني

ابشر بسعدك تامر امر

الله يعطيك العافيه انت والطوفان على المحاوره الرائعه

[المشعلاني]

اخي المشعلاني

ابشر بسعدك تامر امر

الله يعطيك العافيه انت والطوفان على المحاوره الرائعه

كفووو يابن مشيب تقول وتطوول
مايامر عليك ظالم وتحياتي لك ياغالي

[الجافي]

بيض الله وجهك كل من المشعلاني و الطوفان
وأنا هنا لا أسجل أعجابي بكم
لاهنتو جميعآ