النـايــــــف
06-05-2003, 01:48 AM
مقابله مع الشيخ الفارس راكان بن حثلين رحمه الله
مساك الله بالخير يا أبو فلاح
ـ أرحبوا هلا القهوة يا ولد .
كيف حالك ؟
طاب حالك .
كيف الذود ؟
عساك بزود تقهو يا الأخو خذلك فنجال .
ياما حلا الفنجال مع سيحة البال = في مجلـس مافيـه نفـس ثقيلـه
هـذا ولـد عـم وهـذا ولــد خــال = وهـذا صـديـق مــا لقيـنـا بديـلـه
أفا يا طويل العمر هذي طرده .
لا يدخلك الما يا ولدي انت الصديق اللي ما لقينا بديله .
تسلم أقول يا أبو فلاح حنا نعرف اسمك راكان بن حثلين ودنا نعرف أسمك الكامل وودنا نعرف متى ولدت ؟ السموحة يا طويل العمر على هالسؤال لكني أجهل اسمك وإلا مثلك ما ينجهل ؟
لا ما يخالف يا ولدي الجاهل يعرف أنا راكان بن فلاح بن مانع بن حثلين أما سنة ولادتي فوالله ما أعلم تخبر يا سليمان حنّ بدو والبدو ما يورخون مار اني أذكر زي الحلم وأنا صغير أن أبوي الشيخ فلاح يحكي عن إبراهيم باشا وطوسن باشا وأنهم محاصرين الدرعية الله يكفينا شرهم عقب سمعته يقول إنهم شالوا الإمام عبدالله بن سعود وكزوه لتركيا .
طال عمرك الحصار هذا سنة 1233 هـ أجل يمكنك مولود قبل هالسنة بخمس سنين يعني سنة 1228 هـ أجل اللي يقولون إنك شاركت بمناخ الرضيمة سنة 1238 هـ غلطانين .
لا ... ويني ووين الرضيمة يوم الرضيمة وأنا غلام ما أعرف أشيل السيف
أجل متى بديت تشارك بالاكاوين ؟
عقب الرضيمة بكم سنة وعلى وقت والدي الشيخ قلاح قبل أعرس .
يقولون عرسك له قصة يا طويل العمر ودنا نسمعها منك ؟
يا أخوك هذي بنت لعامر بن جفن من شيوخ آل سفران وأنا أحبها وأبيها لكن ولد عمها محجرها ولا طاع يفك حجرها وتردت حالي ويوم من الأيام جا ضيدان بن حزام بن حثلين ولد عم لنا يزور الوالد الشيخ فلاح ونشد عني وخبره الوالد بالحال وعقب جا لمجلس الوالد ولد عم البنت وقال له ضيدان (( ما تبيعني فلانه )) يبيه يفك حجرها قال ولد عمها الا أبيعها بها الفرس اللي معك وهالغتما بندقه قال ضيدان ويحلف ضيدان انه يقتل الفرس بها البندق انا ما طاع وقنع الوالد والرجال فك الحجر .
عشان كذا أبوك يقصد :
يا من يبشر باريش العين راكان = حنا شريناها وخلص نشبها
شرّايها في غالي الاثمان ضيدان = ببنت الاصايل اللي طوال حجبها
لكن لي ملاحظة يا أبو فلاح الحرمة اللي تتكلمون عنها إنسانة حره كيف تبايعون فيها وتشرون ما يجوز .
وش ذا الكلام يا ولد حن ذي عاداتنا وعادات العرب أخذ العلم يا ولدي واستر نفسك لا يسمع أحد كلامك هذا وأحمد ربك أن الطويل غايب ما حضر والا كان جدع راسك بحجرك .
سم طال عمرك الشيوخ أبخص طيب هاك الوقت من شيخكم ضيدان والا والدك ؟
والدي هو الشيخ ويم قتل جا عقبه عمي الشيخ حزام .
يقولون لك قصيدة تراثي فيها والدك يوم قتل سنة 1262 هـ وتراها مجهولة ولا أحد يعرفها ودنا نسمعا منك .
والله ما أذكر منها الا بويتين :
يا طير ياللي به طير ابابيل = وش عاد نقنص به إلى جا الهدادي
وش عذرنا في سوق هجر الي قيل = فلاح جابوا به بحبل يقادي
طير ابابيل يمشي على شرع الله يا طويل العمر طيب انت متى اخذت الشيخه ؟
عقب والدي جا عمي الشيخ حزام وشاخ حروة 14 سنة وشيب وتنازل لي عن الشيخه
اذهب يام في قصيدك بحمراك
وشي هالحمرا اللي يطريها حمود في قصيدته ؟
هذي فرسي مربط لنا وكان عبدالله الفيصل ولد الإمام فيصل بن تركي طلبها مني ولا طلعته :
يا سابقي طالبـك ولـد الامامـي = لا سامـع قولـه ولا نيـب مهديـك
لـو سـام بميـة بكـرة بالتمـامـي = حلفت انا بالبيع ما اهفي متانيك
إن زانـت الدنيـا وهـب الـولامـي = تأتي معي جمر الطرابيش تتليك
أجل نبي نعرف وشلون سجنوك الترك وكم جلست بالسجن ؟
عـقـب المـعـزه كـنـا دراويـــش = الكـل مـنـا كبـزتـه فــي يميـنـه
لا عاد لا قهوه ولا عاد به عيش = ولا عاد بمفطحة خروف سمينه
هاك السنه جا واحد من كبار الترك اسمه مدحت باشا وأخذ الحسا والقطيف وبعدين الماخوذ خدعني وكذب علي وشالني للحبس بتركيا وعقب ست سنين صار كون بين الترك والنصارى وطلعوني من الحبس وحضرت الكون وصار لي فعل طيب وسمح خاطر الباشا عني وخلاّني أكتب خط للسلطان اشرح له أمري وسمحوا عني ورديت لديرتي .
طيب ديرتك على طول والا مريت أحد قبل ؟
أول ما طبيت جدة عقب جيت مكة والمدينة وقمت بواجب ربي وشكرته على فضله وعقب نصيت أخوي نوره محمد بن رشيد :
يا فاطري خبّي خرايم طميّه = الي اشمخرت مثل خشم الحصاني
خبّي طميّه والفياض العزيّه = تنحري برزان زين المباني
سلام اخو نوره لزومٍ عليّه = لزم عليّه قبل قاصي وداني
صحيح أنك وانت بحايل قابلت علماء نصارى يحكون عربي مثلنا مستشرقين ؟
أي بالله جاني واحد من الفرنسيس اسمه هوبر وعزمني أنا والأمير حسن المهنا وجينا عقب الأخير وحط لنا شي حالي ناكل منه والله ما هوب شين مار ماكد شفته الا عنده وشفت بحايل واحد نصراني من ديرة الألمان اسمه يوتنج رجال غريب دايم معه دواته وقلم زاج ويكتب ويرسم يرسم الأوادم ويرسم الحصا .
طيب وتشارلز داوتي ما واجهته ؟
لا هاللي تقول عنه طب حايل عقب ما رحت لجماعتي مار قالوا لي انه كتب عني كلام زين .
يا أبو فلاح فيه صورة يقولون إنه وخذت لك وانت بتركيا وحتى يد راعي الصورة مجروحة وأنت يدك مصوبة ودنا نوريك إياه .
يقولون أنه أنا لاكن من عنده الثبات .
السموحة طال عمرك سمعت يا أبو فلاح أنك قابلت الملك عبدالعزيز سنة 1309 هـ بالبحرين ؟
منهو الملك عبدالعزيز ؟
الملك عبدالعزيز ولد الأمام عبدالرحمن الفيصل .
هو صار ملك ؟
إيه أبشرك أنه صار ملك ووحد البلاد وهاك الأكاوين والهيات القشرا راحت والأمور صارت سهود ومهود والناس اخوان وعلى الدين أعوان .
الله يبشرك بالخير عز الله انه كفو والله اني من شفته وانا عارف انه رجال قرم صنديد أي بالله قابلته يا سليمان هاك السنة وأنا رايح للبحرين أسلم على الشيخ عيسى بن خليفه ويوم دخلت مجلس الشيخ عيسى سلمت وجيت أبجلس والى هذا عبدالعزيز بن الإمام عبد الرحمن الفيصل عن يمين الشيخ عيسى بن خليفه والمجلس مليان من شيوخ آل خليفه وشيوخ بني هاجر وغيرهم ولا لقيت مكان أجلس به يليق بمثلي والشيخ عيسى منشغل ما انتبه لي وما دريت إلا عبدالعزيز بن سعود يفز واقف ويناديني ويفسح لي مكان بينه وبين اللي على يمينه الله يبيض وجهه وعقب ما انفض المجلس لحقت عبدالعزيز وشكرته ودعيت له .
جزاك الله خير أقول يا أبو فلاح طولنا عليك ودنا قبل ما نتركك نعرف حكمتك في الحياة ؟
ما قل دل وزبدة الهـرج نيشـان = والهرج يكفي صامله عن كثيره
طيب وش تقول للي يتعبثون بشعرك ولا يعرفون يقرونه ؟
أنا ليا سويت خطوا بريره = بريرة لاهل الهوى اللي يغنون
تعبثوا فيها قلال البصيره = اللي لتصريف الحكي ما يعرفون
ملاحظة :
توفي الشيخ راكان بن حثلين عام 1314 هـ
( هذا الحوار افتراضي بعد قراءات لتاريخ الضيف )
مساك الله بالخير يا أبو فلاح
ـ أرحبوا هلا القهوة يا ولد .
كيف حالك ؟
طاب حالك .
كيف الذود ؟
عساك بزود تقهو يا الأخو خذلك فنجال .
ياما حلا الفنجال مع سيحة البال = في مجلـس مافيـه نفـس ثقيلـه
هـذا ولـد عـم وهـذا ولــد خــال = وهـذا صـديـق مــا لقيـنـا بديـلـه
أفا يا طويل العمر هذي طرده .
لا يدخلك الما يا ولدي انت الصديق اللي ما لقينا بديله .
تسلم أقول يا أبو فلاح حنا نعرف اسمك راكان بن حثلين ودنا نعرف أسمك الكامل وودنا نعرف متى ولدت ؟ السموحة يا طويل العمر على هالسؤال لكني أجهل اسمك وإلا مثلك ما ينجهل ؟
لا ما يخالف يا ولدي الجاهل يعرف أنا راكان بن فلاح بن مانع بن حثلين أما سنة ولادتي فوالله ما أعلم تخبر يا سليمان حنّ بدو والبدو ما يورخون مار اني أذكر زي الحلم وأنا صغير أن أبوي الشيخ فلاح يحكي عن إبراهيم باشا وطوسن باشا وأنهم محاصرين الدرعية الله يكفينا شرهم عقب سمعته يقول إنهم شالوا الإمام عبدالله بن سعود وكزوه لتركيا .
طال عمرك الحصار هذا سنة 1233 هـ أجل يمكنك مولود قبل هالسنة بخمس سنين يعني سنة 1228 هـ أجل اللي يقولون إنك شاركت بمناخ الرضيمة سنة 1238 هـ غلطانين .
لا ... ويني ووين الرضيمة يوم الرضيمة وأنا غلام ما أعرف أشيل السيف
أجل متى بديت تشارك بالاكاوين ؟
عقب الرضيمة بكم سنة وعلى وقت والدي الشيخ قلاح قبل أعرس .
يقولون عرسك له قصة يا طويل العمر ودنا نسمعها منك ؟
يا أخوك هذي بنت لعامر بن جفن من شيوخ آل سفران وأنا أحبها وأبيها لكن ولد عمها محجرها ولا طاع يفك حجرها وتردت حالي ويوم من الأيام جا ضيدان بن حزام بن حثلين ولد عم لنا يزور الوالد الشيخ فلاح ونشد عني وخبره الوالد بالحال وعقب جا لمجلس الوالد ولد عم البنت وقال له ضيدان (( ما تبيعني فلانه )) يبيه يفك حجرها قال ولد عمها الا أبيعها بها الفرس اللي معك وهالغتما بندقه قال ضيدان ويحلف ضيدان انه يقتل الفرس بها البندق انا ما طاع وقنع الوالد والرجال فك الحجر .
عشان كذا أبوك يقصد :
يا من يبشر باريش العين راكان = حنا شريناها وخلص نشبها
شرّايها في غالي الاثمان ضيدان = ببنت الاصايل اللي طوال حجبها
لكن لي ملاحظة يا أبو فلاح الحرمة اللي تتكلمون عنها إنسانة حره كيف تبايعون فيها وتشرون ما يجوز .
وش ذا الكلام يا ولد حن ذي عاداتنا وعادات العرب أخذ العلم يا ولدي واستر نفسك لا يسمع أحد كلامك هذا وأحمد ربك أن الطويل غايب ما حضر والا كان جدع راسك بحجرك .
سم طال عمرك الشيوخ أبخص طيب هاك الوقت من شيخكم ضيدان والا والدك ؟
والدي هو الشيخ ويم قتل جا عقبه عمي الشيخ حزام .
يقولون لك قصيدة تراثي فيها والدك يوم قتل سنة 1262 هـ وتراها مجهولة ولا أحد يعرفها ودنا نسمعا منك .
والله ما أذكر منها الا بويتين :
يا طير ياللي به طير ابابيل = وش عاد نقنص به إلى جا الهدادي
وش عذرنا في سوق هجر الي قيل = فلاح جابوا به بحبل يقادي
طير ابابيل يمشي على شرع الله يا طويل العمر طيب انت متى اخذت الشيخه ؟
عقب والدي جا عمي الشيخ حزام وشاخ حروة 14 سنة وشيب وتنازل لي عن الشيخه
اذهب يام في قصيدك بحمراك
وشي هالحمرا اللي يطريها حمود في قصيدته ؟
هذي فرسي مربط لنا وكان عبدالله الفيصل ولد الإمام فيصل بن تركي طلبها مني ولا طلعته :
يا سابقي طالبـك ولـد الامامـي = لا سامـع قولـه ولا نيـب مهديـك
لـو سـام بميـة بكـرة بالتمـامـي = حلفت انا بالبيع ما اهفي متانيك
إن زانـت الدنيـا وهـب الـولامـي = تأتي معي جمر الطرابيش تتليك
أجل نبي نعرف وشلون سجنوك الترك وكم جلست بالسجن ؟
عـقـب المـعـزه كـنـا دراويـــش = الكـل مـنـا كبـزتـه فــي يميـنـه
لا عاد لا قهوه ولا عاد به عيش = ولا عاد بمفطحة خروف سمينه
هاك السنه جا واحد من كبار الترك اسمه مدحت باشا وأخذ الحسا والقطيف وبعدين الماخوذ خدعني وكذب علي وشالني للحبس بتركيا وعقب ست سنين صار كون بين الترك والنصارى وطلعوني من الحبس وحضرت الكون وصار لي فعل طيب وسمح خاطر الباشا عني وخلاّني أكتب خط للسلطان اشرح له أمري وسمحوا عني ورديت لديرتي .
طيب ديرتك على طول والا مريت أحد قبل ؟
أول ما طبيت جدة عقب جيت مكة والمدينة وقمت بواجب ربي وشكرته على فضله وعقب نصيت أخوي نوره محمد بن رشيد :
يا فاطري خبّي خرايم طميّه = الي اشمخرت مثل خشم الحصاني
خبّي طميّه والفياض العزيّه = تنحري برزان زين المباني
سلام اخو نوره لزومٍ عليّه = لزم عليّه قبل قاصي وداني
صحيح أنك وانت بحايل قابلت علماء نصارى يحكون عربي مثلنا مستشرقين ؟
أي بالله جاني واحد من الفرنسيس اسمه هوبر وعزمني أنا والأمير حسن المهنا وجينا عقب الأخير وحط لنا شي حالي ناكل منه والله ما هوب شين مار ماكد شفته الا عنده وشفت بحايل واحد نصراني من ديرة الألمان اسمه يوتنج رجال غريب دايم معه دواته وقلم زاج ويكتب ويرسم يرسم الأوادم ويرسم الحصا .
طيب وتشارلز داوتي ما واجهته ؟
لا هاللي تقول عنه طب حايل عقب ما رحت لجماعتي مار قالوا لي انه كتب عني كلام زين .
يا أبو فلاح فيه صورة يقولون إنه وخذت لك وانت بتركيا وحتى يد راعي الصورة مجروحة وأنت يدك مصوبة ودنا نوريك إياه .
يقولون أنه أنا لاكن من عنده الثبات .
السموحة طال عمرك سمعت يا أبو فلاح أنك قابلت الملك عبدالعزيز سنة 1309 هـ بالبحرين ؟
منهو الملك عبدالعزيز ؟
الملك عبدالعزيز ولد الأمام عبدالرحمن الفيصل .
هو صار ملك ؟
إيه أبشرك أنه صار ملك ووحد البلاد وهاك الأكاوين والهيات القشرا راحت والأمور صارت سهود ومهود والناس اخوان وعلى الدين أعوان .
الله يبشرك بالخير عز الله انه كفو والله اني من شفته وانا عارف انه رجال قرم صنديد أي بالله قابلته يا سليمان هاك السنة وأنا رايح للبحرين أسلم على الشيخ عيسى بن خليفه ويوم دخلت مجلس الشيخ عيسى سلمت وجيت أبجلس والى هذا عبدالعزيز بن الإمام عبد الرحمن الفيصل عن يمين الشيخ عيسى بن خليفه والمجلس مليان من شيوخ آل خليفه وشيوخ بني هاجر وغيرهم ولا لقيت مكان أجلس به يليق بمثلي والشيخ عيسى منشغل ما انتبه لي وما دريت إلا عبدالعزيز بن سعود يفز واقف ويناديني ويفسح لي مكان بينه وبين اللي على يمينه الله يبيض وجهه وعقب ما انفض المجلس لحقت عبدالعزيز وشكرته ودعيت له .
جزاك الله خير أقول يا أبو فلاح طولنا عليك ودنا قبل ما نتركك نعرف حكمتك في الحياة ؟
ما قل دل وزبدة الهـرج نيشـان = والهرج يكفي صامله عن كثيره
طيب وش تقول للي يتعبثون بشعرك ولا يعرفون يقرونه ؟
أنا ليا سويت خطوا بريره = بريرة لاهل الهوى اللي يغنون
تعبثوا فيها قلال البصيره = اللي لتصريف الحكي ما يعرفون
ملاحظة :
توفي الشيخ راكان بن حثلين عام 1314 هـ
( هذا الحوار افتراضي بعد قراءات لتاريخ الضيف )