رآآآيـــــح

[@ عتيـبـي نجــد @]

الاخ والاخوات الكرام
السلام عليكم
لابد انه قد مر بكل واحدٍ منكم
سؤال : وين رايح ؟؟
وقد تكون هناك اجابه وقد لا تكون ..
ولكن اذا كنت تود ان تجيب وانت لا تدري ..
اليكم هذه المحاوله عسى ان تعجبكم:


رايح على وين مدري وين انا رايح "=" ياضيقة الصدر مدري ياسعة صدري
ارضي شتات الغريب ورحلتي سايح "=" لدار هذا ثراه ولا هذا قدري
مع نفحت الذكريات وعطرها الفايح "=" رافقني الهم والحرمان من بدري
من يوم لا عادها الله صيحة الصايح "=" معاد لي بالهوى يناعس الخدري
اشفق لغر السحاب وبرقها اللآيح "=" ورقا وسند عليه وينتحي حدري
لكن ياذ الحمام وصوته النايح "=" ادخل على الله تفارق عن قفص صدري
الحر لامنه امسى فالشبك طايح "=" يموت ولا يجي ويروح مايدري
على الخطا يازمن مسموح ومبايح "=" صار الوفا فيك طبعي والجزا غدري
ون رحت والله مدري وين انا رايح "="تعدد الأسئله واجابتي مدري


وتقبلوا خالص التقدير

[طلال الثعلي]

@ عتيـبـي نجــد @


صح لسانك مليون..

قصيده لها وزنها...

مبدع مبدع مبدع


تحياتي

[@ عتيـبـي نجــد @]

رايح على وين مدري وين انا رايح "=" ياضيقة الصدر مدري ياسعة صدري
ارضي شتات الغريب ورحلتي سايح "=" لدار هذا ثراه ولا هذا قدري
مع نفحت الذكريات وعطرها الفايح "=" رافقني الهم والحرمان من بدري
من يوم لا عادها الله صيحة الصايح "=" معاد لي بالهوى يناعس الخدري
اشفق لغر السحاب وبرقها اللآيح "=" ورقا وسند عليه وينتحي حدري
لكن ياذ الحمام وصوته النايح "=" ادخل على الله تفارق عن قفص صدري
الحر لامنه امسى فالشبك طايح "=" يموت ولا يجي ويروح مايدري
على الخطا يازمن مسموح ومبايح "=" صار الوفا فيك طبعي والجزا غدري
ون رحت والله مدري وين انا رايح "=" تعدد الأسئله واجابتي مدري


الاخ / طلال الثعلي

صح بدنك مليونين
حضور وتعليق يسعدني
وتشجيعك يدفعني للمزيد
لاعدمتك ..
تقديري لك

[النـايــــــف]

صح لسانك اخوي الغالي عتيبي نجد


والله لا يحرمنا من قلمك المميز دائماً


تحياتي لك

أخوك النايف

[@ عتيـبـي نجــد @]

الاخ العزيز / النايف
صح بدنك
مايميزني هو متابعتك العزيزه على نفسي
وتشجيعك لي .. الف الف شكر
ولك خالص التقدير

[برق الحجاز]

سلمت يمينك والله أخوي عتيبي نجد





الحقيقة قصيدة رائعة لا مجال لأحد بان يحكم عليها 0000

هي التي فرضت نفسهالتكتب فلم يخالجها التكلف وهكذا الشعر00




اشفق لغر السحاب وبرقه اللآيح === أورقا وسندعليه وينتحي حدري



أخوي أبو حسين برق الحجاز وغيره ممن يقرأماتكتب لا يشك أبد في شاعريتك وكلماتك تفرض نفسها

فالشعر يكتبك أنت لا تكتب الشعر وهذا هو الرائع والابداع الشعري

حقيقة 00

الى أن نرى جديدك أخوي عتيبي نجد لنا لقاء



ولك تحية /أخوك برق الحجاز RM

[@ عتيـبـي نجــد @]

الاخ / برق الحجاز
سلم راسك
تكبر قيمة قصيدتي
ويحق لها التباهي
عندما تجد كل هالطف منك
ويكفيني قناعه بها عندما اجد
رايك بل شهادتي التي ابحث عنها
شاعر بحجمك اعتز برايه لاني اعرفك
كم هي المسافه شاسعه وبعيده بينك وبين المجامله
عسى ان يدوم لي رايك وتواصلك
ولك التقدير

[العود الازرق]

مع نفحت الذكريات وعطرها الفايح
" رافقني الهم والحرمان من بدري


................................ ...........................



عتيبي نجد

سنايدي والله


لا فض فوك على هالرااااااااااااائعة




تقبل تحيات أخوك




العود الازرق

[مرضي القيفان]

الاخ عتيبي نجد

صح لسانك عدد ماغرد الحمام النايح 0

قصيده لاغبار عليها 0

اشفق لغر السحاب وبرقه اللآيح
وارقا واسند عليه ويرتخي حدري 0

قمة الابداع 0 وشمولية الخيال
وصعوبة الوصول للمراد 0


الحر لامنه امسى فالشبك طايح
يموت والا يجي ويروح مايدري 0

دقة التشبيه 0 والخروج عن المألوف 0
والاستسلام للواقع 0

بيض الله وجهك 0

وسنجيب على من يسألنا
بما اهدية لنا من اجابات

ومن قال لا ادري فقد افتى

و/ لا ادري نصف العلم



عسى ان نجد منك كل ما نطمح
لقرائته فلا تحرمنا من الابداعات 0




تقبل تحياتي وسجل اعجابي

اخوك مرضي القيفان

[@ عتيـبـي نجــد @]

العود الازرق
سلمت ودمت
مرورك على مشاركتي
عطرها بشذاك
وريحةً ماتنعدم
وشخصً عزيز وغالي
تقبل خالص تقديري

[@ عتيـبـي نجــد @]

اخوي / مرضي القيفان
صح بدنك عدد ماتكتب الاقلام
كل ماكتبتع في تعليقك اقدره واعتز به
وان دل فهو يدل على لطفك
ويشرفني ان تاخذ مني حرف لاجابتك
وبمناسبة الاستسلام للواقع:

ياوقت اخذ ماتشا واللي تبي سوّه "=" ماقدر الله على المخلوق يرضابه
ابا تصبر عسى صبري على القوّه"=" ومعوضً خير من يصبر لما صابه
والدرب قدام عيني والعمر توّه "=" لو ان وقتي معاناتي من اسابه
اسعى وهمي بقلبي يشتعل ضوّه"=" وادق باب الزمان اللي قفل بابه


وتقبل خالص تقديري