(على الكل قراءة جديد المساجلات والادلاء بحكمه) برق الحجاز

[برق الحجاز]

هذا المراد بيني وبين أخوي أبوسعودمنذو ساعات قليله وكانت لأخوي ابوسعود
أفضلية السبق مدعيا أنه ليس بشاعروهو أدعاءا لجأءت اليه من قبل
ويلجأ اليه كثيرمن الشعراء لأسباب فرضت على طبقات من البشر000

ومع عدم حصولي على رضى أبوسعود بنشرها الأنني أضع الابيات بين يديكم
راضيا حكمكم وخاصة في شاعرية أبو سعودالذي يصرعلى أنه ليس بشاعرمع اعتذاري له فالتسرع بالنشر 000

وهذة مشاركة أبوسعود


(يابـرق ياللـي في خيالي اتلوحـي===ماشفتلي سمـح النبـا ويـن يابـرق)

(من سبّتـه يانـاس زادت جروحـي===كـنّـه سرق فكري بعد سجّتـي سـرق)

(من عقبه أجفاالناس وأتعبت روحـي=كلّه سبب منهو حرق ضامري حرق)

(احـدن علـى دنيـاه كنّـه طموحـي===يصبر على الونّات ويسامـر الطـرق)

(وأحد سمان الهرج عنـده مزوحـي===غربٍ نحاه وجملة الناس فـي شـرق)

(يابرق يوم أزهمك منتـب شحوحـي===ماتقرب لهـرج التفاهـات والقـرق)

(تصخر لنا الابيـات والنـاس توحـي===رجل ٍ حكيم ليا هرج نسمـع الفرق)


وهذا ردي لابوسعود


(يامرحبابللي لحرفي شفوحي=======من هاجسن مابه تبرق ولادرق)


(لفيت عد اللي قراحه يفوحي=======والموت الاحمرجمةأعيونه الزرق)


(لولاه عن هاذي وهاذي يشوحي=======ماخالطن أهمومه الدم بالعرق)


(ياذيب والله ماحسب انك اتنوحي=======واتابع الونات وتلاعي الورق)

(ياذيب لن صادفت عوقن وصوحي====جنب مقاديمك عن اسفوحها وارق)

(والشوف خله للرفيعة طفوحي=====لاتحسب أحساب الغداري ولا اللبرق)

(يااللي على العليا شفوقن لحوحي====بالصبر والحكمة يجي غربها شرق)






مع تحيات أخوكم / برق الحجاز

[طلال الثعلي]

برق الحجاز..

مساجله لها وزنها من شاعرين متميزين...


وعز الله انها مساجله مشوقه..

تراني اعدت قرائتها ثلاث مرات...

صح لسانك انت وابو سعود..

سجل اعجابي بهذه المساجله...


تحياتي..

[ابـو سعـود]

صحح لسانك يابرق الحجاز على هذا الرد الاكثر من رائع وعز الله كفيت ووفيت

وليس بمستغرب على شاعر كبير مثلك

بالصراحه انا ماتوقعت ان ردك يكون في موضوع مستقل خصوصا ً كما قلت لك اني

مبتدىء في هالمجال ... لكن اعتقد بوجود ردك رجحت الكفه بالقصيده الاخرى

واشكرك مره اخرى واقول صح لسانك :)

[ابـو سعـود]

طلال بن ثعلي اشكر لك مرورك الكريم وصح بدنك

[برق الحجاز]

حياك اخوي طلال الثعلي



وأشكر لك هذا الحكم الصادق

رغم ايماني بشاعرية أبو سعود


لعله يعدل عن رايه ويعترف أزين له




لك جزيل الشكر أخوي طلال وتقبل تحيات





أخوك /برق الحجاز

[برق الحجاز]

هلا والله وغلا أخوي أبو سعود





وسأثبت لك بما لا يدع مجالا للشك بأن كثيرا ممن يدعون الشعر لا


يستطيعون نظم بيت من أبياتك لاحرفا ولا وزنا ولامعنى 0000



وأنا على يقين بعلمك بذالك لكنماهي تلك الضغوط الاجتماعيه التي أشرت اليها آنفا00



على كلا لك جزيل الشكرأخوي أبو سعود الذي

(سحبت لساني على قول أخوانا المصريين)


وجددت في روحي ذكرى عصرمضى من المساجلات القوية لفظا ومعنى


وتقبل تحيات أخوك /برق الحجاز

[الحصان]

قصيدتان جميلاتان صح لسان ابوسعود ولسانك يابرق الحجاز

اجل نبي نحط لابوسعود ديوان في قسم الدواوين مادام هذا نسجه

[محمد بن خالد العريدي]

صح لسانك ياأبو سعود ويابرق الحجاز
ومساجلة أكثر من رائعة

[الشبلان]

اخوي أبو سعود الروقي صح لسانك على هذه المساجلة الجميلة أوعدتنا أن تكون شاعر ومشاء الله عليك وفيت بوعدك وعلى ما قيل أول الغيث قطرة والظاهر إن عندك قطرات كثيرة نأمل أن ترى المزيد من مشاركاتك الجميلة وأسجل إعجابي :D
اخوي برق الحجاز نشكرك على هذه المساجلة والتي كشفت بها مواهب ابو سعود الروقي التي كان يخفيها من قبل وصح لسانك على مساجلتك الجميلة

[عضياني]

الله الله

صح لسااانك ولسانه



برق الحجاز


صراحة جيت اسجل اعجابي بك يالغالي

وعز الله انك ما قصرت

واشهد انك شاعر كبير ووجهت القصيدة لشاعر كبير

وانت يابوسعود صح لسانك وسلم بنانك

وأنا اخوك اللي عنده موهبه مثلك المفروض انه يمتع بها اخوانه وربعه وجماعته ويطورها

ويشهد الله لو لقيت في ابياتك شيء يستحق النقد اوالنصح اني لقوله لك وبرد هنا ..

وياليت تكون ذي بدايه قويه لك وشوف كتاباتك الشعرية ..


وعساكم على القوة

[برق الحجاز]

هلا والله أخوي العضياني وصدقت ياذيب



بالعون قلت الحق ياذيب لكن أخوي أبو سعود غير معترف بشاعريته


ومثل هذة الابيات لا يكون أبدا بدايه



وانما موهبة فريدة بهذا المستوى تبدأ سيكون لها شان عظيم اذا


لم تتعرض لعملية الاحباط الجتماعي و الاعلامي الذي تعرض له كثيرا

من المواهب الفذة التي لا تمحاها يد الزمن ولا أيدي العابثين اطلاقا

ولعلي أذكر لك أسماءا كثيرة فقدناه في بدا يتها 00

(عبد الرزاق الهذيل===شعيل المطرفي==سليمان الصقير=حماد أبوشامة =ملك الشعر حقيقة ناصربن محمد بن لوي الشريف000والكثير الكثير الكثير)

ولاشك ان الاحباط الاجتماعي والاعلامي لايؤثر الا على نفوس شفافة

لاتوجد لديها روحا قتالية قابلة للتطورمن خلال الصراع الذي يكون حافزا

ايجابيا لدى الارواح المناضلة التي تتلذذ بالصراع وترقي فالانتاج ولا

تستغني عنه بدا بل وتنهار اذا فقدته كروح أخوك برق الحجازالذي يقول :


(يتعبني الوقت لوما أسعدني اعنادي ==شمعة حياتي شقا لالا تطفيها)



لك أخوي عضياني خالص الشكر على صراحتك وحكمك العادل



وتقبل تحيات أخوك / برق الحجاز

[النـايــــــف]

صح لسانك

يا برق الجحاز

وصح لسانك

يا ابو سعود الروقي

شاعرين كبيرين


تحياتي لكم

أخوكم النايف

[ابـو سعـود]

بسم الله الرحمن الرحيم

في البدايه أشكر المشرف القدير ( برق الحجاز ) على هذا الرد الرائع وإن كانت مشاركتي قد أعجبته

فهذا وسام أعتز فيه مدى الحياه لاسيّمـا انّه من كبار شعراء عتيبه بل الجزيره العربيه

واعيد واكرر شكرا لك على إتاحة الفرصه بردك على قصيدتي والاشاده بها



الحصان صح بدنك ويكفي دواوين شبكتنا ان

فيها مثل برق الحجاز

والا أنا قصيدي خله يوّصل خمس قصايد
وبعدين يحلها ربك ههههههههه

محمد خالد العريدي صح بدنك

الشبلان يامرحبا مليون :D

صح بدنك ياشاعرنا القدير وأشكرك على هذه التشجيع لما كتبت

لكن لايغرك المثل يقول صاحب صنعتين كذاب ههههههههههههههه :D
فالله يعيني اختار وحده

عضياني صح بدنك وعودا ً حميدا ان شاءالله ونتمنى

نشوف ماكتبت من جديد قصائدك هنا في المنتدى

النايف صح بدنك ياطويل العمر


والسلام عليكم والى لقاء آخر

[فهد الدقيس]

صح السانك يا المخضرم والسان ابو سعود


مثلك حين يكتب يجبرنا على الاعجاب والاستفادة من هذه المدرسه الشعريه

دمت برقاً لامع في سماء الادب يابو سامي ..


وما فيك حيله

[البعير]

صح السانك