الإمتحان الصعب

[مرضي القيفان]

الامتحان الصعب

الامتحان الصعب





دخلت إمتحانن صعب ياعيد كيف اقواهـ "="
مدام ان كلن قال انا ويش اسويله

دخلته مبرّه لا قسى لجل احوز ارضاهـ "="
بعد مااستخرت الله باليوم والليله

لو انه نمى لي ما استشرت امه ولا ادناهـ "="
لكن والدي والوالد اصيح وادعي له

انا ادعي ودمعي ساكبن وانهمر مجراهـ "="
ودعيت الولي وازاح عني تظاليله

صحيح اني اصغركم وحدّيت للمنهاهـ "="
هذا هو قدرنا والقدر محدن ايزيله

وانا يوم افكر لين يا صعبها صعباهـ "="
بتر رجله اليسرى ولا في يدي حيله

وتركه كذا ياعيد يفني جميع أعضاهـ"="
أمرين هن ياعيد وش لون تأجيله؟

تجرعت انا المريين والفكر مني تاهـ"="
وتخيرت لأحلاهن بقامه وترحيله

وانا اشهد شهادة حق يا مرّها مرااهـ "="
علي الكبد والتفكير والحلق والزّيله

وانا اشوف كلن يتهمني ليا واسااهـ "="
يقولون قاسي قلب حليااي عزيله

ضحوكن مع العالم صبورن على ماجاهـ "="
يجامل مع العربان بالضحك والحيله

ولا شافوا اللي بالقلم ترتعد يمناهـ "="
يوقّع ودمعه من عيونه هماليله

وانا جز قلبي يوم خط القلم بمضااهـ"="
لكني صبرت لجزّته من مظاليله

ورجانا لخلاق الملا قادرن لشفاهـ "="
لكن اطلبوه بكل سجده وتهليله

ترىالله مجيب لدعوة اللي حثيث ادعاهـ "="
عطاه او لعلم الغيب او يزود به كيله

[الدجيما]

الله يسلمك اخوي مرضي وصح لسانك وشافى الله مرضكم

ومرضى المسلمين عامه.






الدجيما

[مرضي القيفان]

الاخ الدجيما

اشكرك على المرور والتوقيع على هذه المشاركه

والله يسمع منك دعائك ويشافي جميه مرضى المسلمين



تقبل تحياتي وتقديري