وليد الزراقي
04-06-2006, 01:17 AM
نقرا احيان ابيات لشاعرة ما.. ثلاث او اربع ابيات واجزم ان الاغلبية مرعليهم مثل هاالامور.. مثل ياصلك من زميل صديق مثلا رسالة تحتوي على كم بيت لعدة شاعرات فيه كتب فالمكتبات أنا بنفسي قرأت كتاب جايب من كل شاعرة كذا بيت من ضمنهم الشاعرة موضي الدهلاوي جايب لها كم بيت.. طيب وش قصتها؟.. وش سببها انا ما ادري ايش المشكلة لما يجيبون نبذه ولو بسيطة او سبب القصيده مثلا يالله ما علينا نعود لمحور حديثنا...الشاعرة موضي الدهلاوي التي تمر علينا ابياتها احيان خلونا نشوف وش سالفتها اعلم بان الجميع يعرف القصة ,لكن لمن التبس عليه الامر نوردها بالنص الشيخ منديل بن هذال شقيق الشيخ عبدالله بن هذال فهو فارس ومن أشهر مشائخ آل هذال وله مواقف مشهورة ونظرا لان مواقفه مرتبطه باحداث فقد اهملنا ذكرها ومن انجاله الشيخ الفارس جديع بن منديل الهذال الملقب ( راعي السمراء ) والسمراء هي الحرة وله قصص كثيرة وقد تزوج الشيخ جديع بن منديل الشيخة موضي بنت سعد الدهلاوي من كبار العجمان أهل الرس وعندما نجع الشيخ جديع بقومه وابعد عن الرس قالت زوجته موضي الدهلاوية هذه القصيده توجد عليه وتطلب منه ان يعود وتبث له اشواقها ولكنه مع الاسف قد اصابته الغيرة من تردد الناس لقصائدها به فجاوبها بقصيدة تحمل طلاق وهذه قصيدة الشيخة موضي وقد ألفت بعدة مؤلفات بصيغ متنوعه وخصوصا الشطر الاخير فهي أحيان ترد على قارعة حرف الدال والهاء واحيان بوصل الجيم والهاء ولكن حسب ما أستقر عليه رأي معظم الرواة ومن أفضل الصيغ نورد قصيدة الشيخة موضي الدهلاوية بهذه الصيغة تقول
يا الله يا موصل غريب بلاده =يا مجري سفن البحر فوق الأمواج
تريح قلبي في مظنة فواده =أن كان ما طاوع بنا كل هراج
أمي توصيني تقول الجلاده =وقلبي إلى جاء طاري البدو ينفاج
يا راكب الحمراء جديد اشداده= ومعودينه للمساري والأدلاج
تلفي على شيخ بجو الحماده= جديع اللي بيته للأجواد مدهاج
مودع على العدوان كدرا هجاده = هجيجهم ما بين ابانات وسواج
خلا فارسهم طايح في معاده=والخيل بالعدوان راحن مراج
قل لأبن وايل كان وده مراده= القيظ زل وبارق المزن لعاج
حطيت لك ريش النعايم وساده =والبطن لك يا فارس الخيل مسهاج
وعندما وصلت قصيدة موضي الدهلاوية الى جديع غضب لتناقل الناس شعرها علما انها الشيخة الشريفة العفيفة الطاهرة التي لم تقع في ريبة وانما رأى الشيخ جديع أن قصيدتها وتوجدها عليه من الخصوصيات التي ينبغي ألا تطلع للناس فقال قصيدة وارسلها لها وقد طلقها فيقول
يا راكب حيل إلى لجلجني = عوص لهن مع نازح البيد مرمال
إلى مشن مديدهن ما يوني = لا كن حاديهن مع الدو خيال
مدن من الأنجاج حين انهلني= والظهر عند صخيف اللون مقيال
الظهر عند صويحبي بركني =اللي ثمانه كنهن در الأهجال
لا جيت موضي يا مناي ومظني= وصل سلامي بنت ماضين الافعال
وقله تراها طالق الحبل مني=اللي قصيده يلعبه كل رجال
ثم بعد أن وصلت قصيدة جديع لزوجته موضي تأثرت
لكونها لا تستحق الطلاق وقالت ترد على جديع
حي الجواب وحي من هو جوابه =يا شيخ يا مكدي غثيثين الأجناب
يا شيخ ما والله مشيت بمعابه = ولا خايلت عيني على كل نصاب
وان كان قولي فيك كلن حكابه = عرضي نزيه ولا حكى فيه هزاب
ارجيك رجوا البادية للسحابه = وجازيتني في كلمةِ مالها اسباب
هذا النصيب وما بغى الرب جابه =وان صك باب العبد عند الولي باب
ويقال ان جديع ندم على طلاق زوجته وارسل عليها ليرجعها
ولكنها رفضت وقالت
جدعان يوم انه بغاني بغيته = ما طمحوني عنه كثر العشاشيق
واليوم ما دامه رماني رميته = رمية وضيحي رموه التفافيق
جدعان انا حرمت ما اطب بيته=الا مغيب الشمس يرجع لتشريق
ولا ان صوت الحي يوحيه ميته =او ينبلع سم الحيايا مع الريق
عسى يجيني شيخ نسمع بصيته=منعور يعطي من طوال السماحيق
ثم تقدم لها الشيخ مجلاد بن فوزان شيخ قبيلة الدهامشة فتزوجها وقد نجع مجلاد بقبيلتة فابعد عن الرس وبقيت موضي عند اهلها وبعد مضي مدة من الزمن اشتاقت لزوجها فارسلت هذه القصيدة للشيخ مجلاد
يا راكب ملحا تكب الشدادي= عمليةِ ما هي بتمشي على الهون
مثل الظليم إلى جفل مع حمادي= اقفا وقلبه حروة الدحو مشطون
تقطع سماهيد الديار البعادي = والعصر وأنتم عند عكّاش تلفون
يا خوي هوى يالقرم وين انت غادي =ودي على جال الرفايع اتبنون
بالحاجر المنقاد مع بطن وادي = فوقه دواوير على العد يردون
حزت طلوع الشمس وقت المقادي = من حين رعيان البوادي يمدون
تسمع لسبر القوم حسه ينادي =عاين وهو بالرجم لا الجو مقطون
يقول شفت الطرش دونه نكادي = غوش على شهب الغوارب يعنون
تلقا بهم من قال كب السوادي = وأرجي عساهم بالزماميل يلهون
عند الركايب يوم صار الطرادي=واللي تقنطر سابقه طاح مطعون
وراعي فريحه كن فيها قيادي =يثني مثل سبع الخلا لا تذلون
وسلامتكم
تحياتي للجميع
يا الله يا موصل غريب بلاده =يا مجري سفن البحر فوق الأمواج
تريح قلبي في مظنة فواده =أن كان ما طاوع بنا كل هراج
أمي توصيني تقول الجلاده =وقلبي إلى جاء طاري البدو ينفاج
يا راكب الحمراء جديد اشداده= ومعودينه للمساري والأدلاج
تلفي على شيخ بجو الحماده= جديع اللي بيته للأجواد مدهاج
مودع على العدوان كدرا هجاده = هجيجهم ما بين ابانات وسواج
خلا فارسهم طايح في معاده=والخيل بالعدوان راحن مراج
قل لأبن وايل كان وده مراده= القيظ زل وبارق المزن لعاج
حطيت لك ريش النعايم وساده =والبطن لك يا فارس الخيل مسهاج
وعندما وصلت قصيدة موضي الدهلاوية الى جديع غضب لتناقل الناس شعرها علما انها الشيخة الشريفة العفيفة الطاهرة التي لم تقع في ريبة وانما رأى الشيخ جديع أن قصيدتها وتوجدها عليه من الخصوصيات التي ينبغي ألا تطلع للناس فقال قصيدة وارسلها لها وقد طلقها فيقول
يا راكب حيل إلى لجلجني = عوص لهن مع نازح البيد مرمال
إلى مشن مديدهن ما يوني = لا كن حاديهن مع الدو خيال
مدن من الأنجاج حين انهلني= والظهر عند صخيف اللون مقيال
الظهر عند صويحبي بركني =اللي ثمانه كنهن در الأهجال
لا جيت موضي يا مناي ومظني= وصل سلامي بنت ماضين الافعال
وقله تراها طالق الحبل مني=اللي قصيده يلعبه كل رجال
ثم بعد أن وصلت قصيدة جديع لزوجته موضي تأثرت
لكونها لا تستحق الطلاق وقالت ترد على جديع
حي الجواب وحي من هو جوابه =يا شيخ يا مكدي غثيثين الأجناب
يا شيخ ما والله مشيت بمعابه = ولا خايلت عيني على كل نصاب
وان كان قولي فيك كلن حكابه = عرضي نزيه ولا حكى فيه هزاب
ارجيك رجوا البادية للسحابه = وجازيتني في كلمةِ مالها اسباب
هذا النصيب وما بغى الرب جابه =وان صك باب العبد عند الولي باب
ويقال ان جديع ندم على طلاق زوجته وارسل عليها ليرجعها
ولكنها رفضت وقالت
جدعان يوم انه بغاني بغيته = ما طمحوني عنه كثر العشاشيق
واليوم ما دامه رماني رميته = رمية وضيحي رموه التفافيق
جدعان انا حرمت ما اطب بيته=الا مغيب الشمس يرجع لتشريق
ولا ان صوت الحي يوحيه ميته =او ينبلع سم الحيايا مع الريق
عسى يجيني شيخ نسمع بصيته=منعور يعطي من طوال السماحيق
ثم تقدم لها الشيخ مجلاد بن فوزان شيخ قبيلة الدهامشة فتزوجها وقد نجع مجلاد بقبيلتة فابعد عن الرس وبقيت موضي عند اهلها وبعد مضي مدة من الزمن اشتاقت لزوجها فارسلت هذه القصيدة للشيخ مجلاد
يا راكب ملحا تكب الشدادي= عمليةِ ما هي بتمشي على الهون
مثل الظليم إلى جفل مع حمادي= اقفا وقلبه حروة الدحو مشطون
تقطع سماهيد الديار البعادي = والعصر وأنتم عند عكّاش تلفون
يا خوي هوى يالقرم وين انت غادي =ودي على جال الرفايع اتبنون
بالحاجر المنقاد مع بطن وادي = فوقه دواوير على العد يردون
حزت طلوع الشمس وقت المقادي = من حين رعيان البوادي يمدون
تسمع لسبر القوم حسه ينادي =عاين وهو بالرجم لا الجو مقطون
يقول شفت الطرش دونه نكادي = غوش على شهب الغوارب يعنون
تلقا بهم من قال كب السوادي = وأرجي عساهم بالزماميل يلهون
عند الركايب يوم صار الطرادي=واللي تقنطر سابقه طاح مطعون
وراعي فريحه كن فيها قيادي =يثني مثل سبع الخلا لا تذلون
وسلامتكم
تحياتي للجميع