اللي مايعرفني يدخل.....!

[سلمان الذيابي]

أسعد الله صباحكم بكل خير






قصيده كتبتها رد على بعض الاشخاص

استفزوني في احدى المرات..............!

فكانت هذه القصيده رد" عليهم




اتمنى ان تعجبكم



سلمان ولي من الفخر ساس واركان
امعرب الجدين والطيب ساسي
دين" ودنيا جبتها دون نقصان
وفي وصل ربي مايتناقص حماسي
ولا خاوي الطيب واماشيه من شان
ولانيب لابس غير ثوب" مقاسي
ولانيب من يسمع حكي فلان وفلان
ولاخذ قراري غير من صلب راسي
وانا ولد من تفتخر فيه الازمان
اللي على قمة هل المجد راسي
دايم وهو للطيب رمز" وعنوان
امحطم" فالطيب رمز" قياسي
كرم وعزة نفس ماهيب تنهان
يوم ان بعض الناس لعبة كراسي
وانا خوالي فاللقا شانهم شان
اذكرك ياللي بهم كنت ناسي
مواقف" يشهد لها الانس والجان
كم موقف" زادوه عز ونوماسي
وافعالهم ماهيب تحتاج برهان
وترى الذهب ماهو بمثل النحاسي
وعماني اللي رجحوا كل ميزان
ان كان جا رد الفعل انعكاسي
تسمع بهم مابين حضر"وبدوان
صف" موحد إلا صف متواسي
اللي ليا من الزمن صار خوان
زبنتهم يجلون عني عماسي
من بينهم والله ماانسى كحيلان
كريم كف وشيخ صف" اساسي
.......................................
.......................................
هذاك ابو محمد* ولاغيره انسان
اللي رباني لين مااشتد باسي
والله لواعطيه من غال الاثمان
ماكني الا اعطيه شي" طفاسي
بديت قافية القصيده على آن
وختمت قافية القصيده بآسي
سلمان انا سلمان سلمان سلمان
موتوا بغيض انا على المجد راسي



*عمي الشيخ/ جميل سعد الذيابي



أخوكم/ سلمان عويد الذيابي


تقبلوا ارق التحايا واصدقها

[((الدلبحي))]

صح السانك ولاهنت ياغالي

فواز ياليت تنقلها الى قسم قصائد الاعضاء

تحياااااااااااااااااااااااااااااااااااتي

[سلمان الذيابي]

الدلبحي




لاخلا ولاعدم اخوي


مرورك شرف



لاعدمتك

[بنت السلاطين]

سلمان الذيابي صح لساااااااااانننك


دمت لعتيبه

بنت السلاطين

[اخو من طاع الله]

صح لسانك اخوي سلمان

الله يعطيك العافيه على الابيات

[نوف]

تسلم اخوي سلمان الذيابي قصيده

رائعه يعطيك العافيه

http://www.almlekh.com/up/uploads2/1308435557.gif (http://www.almlekh.com/up)



http://www.almlekh.com/up/uploads2/a46ddde107.bmp (http://www.almlekh.com/up)

[سلمان الذيابي]

كل الشكر لمن سجل حضوره



لاعدمتكم

[فواز الشيباني]

صح لسانك اخوي سلمان

الله يعطيك العافيه

قصيده جزله من جزل

[سلمان الذيابي]

انت الجزل والله يافواز





مرورك شرف لي








لك كل التقدير

[سلمان الأزوري]

كفو 000 كفو 000 ياسمي

والنعم فيك وفأصلك

كفيت ووفيت

[النـايــــــف]

صح لسانك اخوي سلمان الذيابي


وبيض الله وجهك يا الغالي


ولا تحرمنا من جديدك



تحياتي لك ،،،،،

[سلمان الذيابي]

سلمان الازوري



النايف











كل الشكر لمروركم من هنا




لاعدمتكم

[الورد]

كفو سلمان وإنت راعيها
مابه شك إنت فعلا متميز